Ana səhifə Planet |
Liviyanın devrilmiş lideri Müəmmər Qəzzafinin qardaşı oğlu Əhməd Qəzzafi Rusiyanın NTV telekanalına müsahibə verib.
Axar.az xəbər verir ki, Liviya ordusunun keçmiş generalı Qərbin Yaxın Şərqdə əsas hədəfinin İran və Türkiyə olduğunu iddia edib:
“Qərb Liviyanı Afrika ölkələrinin lideri kimi görmək istəməz. Onlar İraqı yerlə-yeksan etdilər. İndi Suriya və Yəmənə hücum edirlər. Hətta Türkiyə və İran da onların hədəfi ola bilər”.
Onun sözlərinə görə, Rusiyanın müdaxiləsi ilə bölgədə vəziyyət tamamilə dəyişib:
“Rusiya Yaxın Şərqdə və Şimali Afrikada böyük bir böhranın qarşısını aldı. Prezident Putin ABŞ və NATO-nun bölgədəki planlarını pozdu, Suriyada cinayətin qarşısını aldı. Rusiya bölgədə qaydalar yaratmağı bacardı.
ABŞ-ın keçmiş prezidenti səhv etdiklərini (Müəmmər Qəzzafinin devrilməsini nəzərdə tutur. – red.) dedi. Bəs niyə çıxıb Liviya xalqından üzr istəmədilər? Liviya xalqı ABŞ, NATO və BMT-dən məsələ ilə bağlı izahat tələb edəcək. Liviya dağıdıldı, 1 milyon vətəndaşımız Avropaya qaçdı. Qərb və tərəfdaşları bölgədə ixtilaf və qorxunc hadisələrin davam etməsini istəyir”.
Tarix
2017.01.30 / 21:15
|
Müəllif
Hacı Qulu
|