Rusiya Suriyadakı Hmeymim bazasına modernləşdirilmiş Su-25SM3 qırıcıları göndərəcək.

Axar.az xəbər verir ki, bu barədə “İzvestiya” qəzetinə Müdafiə Nazirliyindəki mənbə məlumat verib.

Onun sözlərinə görə, 4 ədəd reaktiv avqust-sentyabr aylarında Suriyaya göndəriləcək.

Rusiyanın Suriyada təşkil etdiyi əməliyyatlara qoşulacaq bu qırıcılardan terrorçuların zirehli avtomobillərini və müdafiə istehkamlarını məhv etmək üçün istifadə ediləcək.

Xatırladaq ki, Rusiya 12 yanvarda Hmeymim bazasına 4 ədəd Su-25 qırıcısı göndərmişdi. Bu təyyarələr Türkiyə ordusunun Əl Babda keçirdiyi əməliyyatlarda da iştirak edib.