Rusiya Dövlət Dumasının Xarici Əlaqələr Komitəsinin sədr müavini Aleksey Çepa Rusiya kəşfiyyatının Monteneqroda iğtişaşlara səbəb olmasına dair iddialara cavab verib.

Axar.az xəbər verir ki, Çepa ingilis mediasının heç nədən hay-küy yaratdığını bildirib.

"Bu xəbərlər heç nədən hay-küy salmaq üçün yeni bir cəhddir. Kəşfiyyatımız heç vaxt bu cür işlərlə məşğul olmadı, bu cür işlərə heç vaxt da qarışmadı. Belə hiylə normal bir insanın marağına səbəb olmaz", - o deyib.

Qeyd edək ki, məşhur "Teleqraf" qəzeti İngiltərə hökumətindəki mənbələrə istinadən, Rusiya kəşfiyyatının keçmiş baş nazir Milo Çukanoviçə sui-qəsdə, eləcə də dövlət çevrilişinə cəhd etdiyini yazmışdı.