Adolf Hitlerin şəxsi telefonu ABŞ-da keçirilən hərracda 243 min dollara satılıb.

Axar.az “Frans Press”ə istinadla xəbər verir ki, hərrac ilkin olaraq 100 min dollardan başlayıb. Əvvəlcədən bu telefona isə 200-300 min dollar arası qiymət qoyublar.

“Siemens” şirkətinin istehsalı olan bu telefon Hitlerə hədiyyə edilibmiş. 1945-ci ildə onu Hitlerin bunkerindən sovet əsgəri götürüb və Britaniya zabitinə verib. Britaniyalı zabitin ailəsi telefonu 70 ildən artıq qoruyub saxlayıb.

Hərrac evi bu telefonu Hitlerin “ən dağıdıcı “silahı” adlandırıb. Belə ki, Hitler məhz bu telefonla milyonların ölümünə göstəriş verib.