Türkiyə Avropa Birliyinə qəbul edilməyəcək.

Axar.az xəbər verir ki, bunu jurnalistlərə açıqlamasında amerikalı siyasətçi Ted Mallok söyləyib.

“Əsas məsələ yaxın zamanlarda Avropada siyasi birliyin nə qədər olacağıdır? Bu sualın cavabı Avropadakı seçkidən sonra bəlli olacaq. Avropa Türkiyənin birliyə qəbul edilməyəcəyi ilə bağlı qəti qərar verib. Açığını desək, bunu 20 ildir bilirdik. Amma bu, Avropa ilə Türkiyənin güclü ticarət əlaqələri olmayacağı demək deyil”, – deyə o bildirib.

Qeyd edək ki, bir müddət əvvəl ABŞ mətbuatı Mallokun Vaşinqtonun Avropa Birliyindəki daimi nümayəndəsi olacağını yazmışdı.