Ana səhifə Planet |
20:24
Keçən il İrəvanda Polis məntəqəsini zəbt edənlərlə əlaqədə olmaqda ittiham edilən Artur Sərkisyanın ölümündən sonra polislərin hərəkətinə etiraz olaraq şəhərin mərkəzində yenidən etiraz aksiyası keçirilib.
Trend xəbər verir ki, etirazçılar baş prokurorun istefasını tələb edirlər.
Həmçinin Sarkisyanın həbsi barədə qərar qəbul edən müstəntiq və hakim barəsində cinayət işi başlamağı tələb ediblər.
***
Ermənistan gəncləri polis təqibindən qorxmur. Bunu bir müddət əvvəl İrəvanın Respublika meydanında Artur Sərkisyanın xatirəsinə həsr olunmuş mitinq zamanı aksiyanın fəallarından olan Şaqen Arutyunyan bəyan edib.
Bugünkü aksiyada ciddi qarşıdurma baş verməyib. Aksiya iştirakçıları bu gün Ermənistan hökumətinin binası qarşısında toplaşaraq şüarlar səsləndiriblər. Bundan sonra onlar Azadlıq meydanına qayıdıblar. Ancaq elan olunub ki, martın 21-də növbəti aksiya keçiriləcək. Belə ki, sabah İdman-konsert kompleksindən başlayaraq Şaumyan məzarlığına qədər yürüş olacaq. Aksiya iştirakçıları A.Sərkisyanın xatirəsini əllərində yanan şamlar tutmaqla yad edəcəklər.
Xatırladaq ki, ötən gün etirazçılar Abovyan küçəsi ilə Sayat Nova prospektinin kəsişməsində hərəkətin qarşısını kəsəndən sonra polis hərəkəkə keçərək zorla yolları açmışdı.
Qeyd edək ki, hakimiyyət qiyamçı “çörəkdaşıyan”ın Şaumyan məzarlığında dəfninə izn verib və dəfn mərasimi 22 martda baş tutacaq.
Tarix
2017.03.20 / 23:57
|
Müəllif
Axar.az
|