Avropa tarixən bütün problemlərin içindən güclü olaraq çıxıb və ümid edirəm ki, hazırkı problemlərdən də güclənərək canını qurtaracaq.

Axar.az xəbər verir ki, bunu “Haqqin.az” saytına açıqlamasında Polşanın eks-prezidenti Aleksandr Kvasnevski söyləyib.

“Hər 25-30 ildən bir Avropa populizm dalğası ilə toqquşur. İkinci Dünya müharibəsindən sonra, 60-cı illərdə də belə idi. Populizm qısamüddətli effekt verir, uzun müddətli planda isə o, uduzmağa məcburdur. Qloballaşma dönülməz prosesdir və o, bütün dünyanın həyatını dəyişib. Bu gün bizim gördüyümüz də populizmlə qloballaşma arasında gedən mübarizədir”, – deyə o bildirib.