İrəvanın Azadlıq meydanında “çörəkdaşıyan” Artur Sərkisyanın xatirəsinə mitinq keçirilir.

Axar.az erməni mediasına istinadla xəbər verir ki, Sərkisyanı 22 martda şaumyan qəbiristanlığında basdırsalar da, siyasi fəal Şagen Arutyunyan və onun yoldaşları Azadlıq meydanında aksiyanı davam etdirirlər.

Arutyunyan elan edib ki, az adam yığışsa da, mitinqi davam etdirəcəklər. “Bura gəlməyənlər Feysbukda mübarizənin dayanmasını da tələb edirlər. Bura gəlməməyə bəhanə axtarmayın, sadəcə deyin ki, mübarizə aparmaq istəmirsiniz. Özləri gəlmirlər, amma bizi tənqid edirlər, sadəcə, biabırçılıqdır”, - Arutyunyan deyib.

Qeyd edək ki, “Sasna Tser” qruplaşmasının çörəkdaşıyanı olan A.Sərkisyan həbsdə aclıq elan etmiş və acından ölmüşdü. 16 martda onun ölümündən sonra İrəvanda mitinqlər başlamışdı.