Hindistanda biznes klass bileti olmasına rəğmən, ekonom klassla səfər etmək məcburiyyətində qalan qatı sağçı millət vəkili Ravindra Qaikvad hava limanının növbətçi müdirini çəkələyi ilə döyüb.

Axar.az xəbər verir ki, hadisə cümə axşamı Hindistan Hava Yollarına məxsus təyyarədə baş verib.

Təyyarənin Yeni Dehliyə enməsindən yarım saat keçməsinə baxmayaraq, millət vəkili aşağı düşməkdən imtina edib. Bundan sonra növbətçi müdir R.Skumar onu fikrindən daşındırmaq üçün hadisə yerinə gəlib.

Qaikvad isə əvəzində Skumarı çəkələyi ilə döyüb. Şirkət millət vəkilini məhkəməyə verdiklərini açıqlayıb.

Qaikvad da hadisə ilə bağlı TV-yə açıqlama verərək, Skumarı çəkələyi ilə 25 dəfə vurduğunu və onun ekonom klassda səfər etməsinə səbəb olan şəxsləri məhkəməyə verəcəyini bildirib.