Cənubi Koreyanın impiçmentlə vəzifəsindən uzaqlaşdırılan prezidenti Pak Kın Xen həbs olunub.

Axar.az xəbər verir ki, məhkəmə istintaq tərəfindən irəli sürülən ittihamlarla razılaşaraq prezidentin həbs edilməsi haqda qərar verib.

Qeyd edək ki, Koreya Respublikasının prokurorluğu martın 27-də prezidentin həbsi ilə bağlı məhkəməyə müraciət etmişdi.

Prokurorluq Pak Kın Xeni ötən ilin sonunda həbs olunan və sabiq prezidentin ən yaxın rəfiqəsi olan Çoy Sun Sul ilə birlikdə rüşvət və hakimiyyətdən sui-istifadə hallarına görə ittiham edirdi.

Xatırladaq ki, Cənubi Koreya parlamenti Pak Kın Xeni korrupsiyada və hakimiyyətdən sui-istifadədə təqsirləndirərək onun impiçmentinə səs vermiş və bundan sonra Cənubi Koreya Konstitusiya Məhkəməsi ölkə prezidentinin impiçmentini təsdiqləmişdi.