ABŞ-ın keçmiş prezidenti Barak Obama İran məsələsində ikiüzlü siyasət yürüdürdü.

Axar.az xəbər verir ki, bunu “Rotana” agentliyinə müsahibəsində Səudiyyə Ərəbistanı kəşfiyyatının keçmiş rəhbəri Türki Faysal söyləyib.

“Obama İran ilə əlaqəli fikirlərini Ərəbistan kralı Salman Bin Əbdüləzizlə paylaşdı, ancaq bu məsələdə həm də bəzi şeyləri gizli saxladı. Bu davranış tərzi bizi aldatmaq deməkdir. Obama keçmiş kral Abdullah ilə 3 dəfə görüşüb. Bu görüşlərdən sonra iki tərəf arasında bölgədəki problemli məsələlərlə bağlı razılıq əldə olunduğu bildirilmişdi. Kral Salman 2015-ci ilin sentyabrında Obama ilə görüşdən sonra Vaşinqtondan İranla mübarizə haqqında razılıq aldığını demişdi. Obamanı bu sözü verib, bunun ardınca Ər-Riyadı İndoneziya kimi ölkələrdəki fanatikliyin səbəbkarı adlandırması bizi aldatmaq deməkdir. Obama ikiüzlü siyasət yürütdü. Tunis və Misirdə üsyanlar başlayanda bu dövlətlərin liderlərinin istefasını istədi. Belə şeylər İranda olan zaman isə dərhal iranlılarla münasibətlərini düzəltməyə başladı. Obama həmçinin İranın İraqdakı təsirini artırmasına göz yumdu”, – deyə o bildirib.