Ana səhifə Planet |
Zərraba qarşılıq Türkiyə PKK-nı qəbul edəcək.
Axar.az xəbər verir ki, bu sözləri öz Tvitter səhifəsində Milliyətçi Hərəkat Partiyasının eks-üzvü, keçmiş deputat Ümit Özdağ paylaşıb.
“Zərrabın məhkəməsinin ləğv edilməsi qarşılığında Ərdoğan PKK ilə ABŞ-ın Rakka əməliyyatını, qısacası “PKKistan”ı qəbul edəcək”, – deyə o bildirib.
Qeyd edək ki, Rza Zərrab İran azərbaycanlısıdır.
Zərrab keçən ilin martında ABŞ-da həbs edilib. O, bank fırıldaqçılığı, çirkli pulların yuyulması, ABŞ-ın İrana qarşı embarqosunu pozmaqda günahlandırılır. ABŞ prokurorları onun 75 il həbs cəzasına məhkum edilməsini istəyirlər.
Zərrabın tutulmasından sonra dövlətə aid olan “Xalqbank”ın səhmləri 11% ucuzlaşıb. Bəzi mətbuat orqanların Zərrabın Türkiyənin hakim dairələri ilə geniş əlaqələri olduğunu və buna görə də Ankaranın onu müxtəlif vasitələrlə yenidən Türkiyəyə qaytarmaq istədiyini bildirib.
Tarix
2017.04.24 / 15:07
|
Müəllif
İlkin Həsənov
|