İranda prezident seçkiləri ilə bağlı təbliğat və təşviqat kampaniyası başlayıb. Namizədlər xalqın səsini qazanmaq məqsədi ilə müxtəlif vədlərlə çıxış edir.

Axar.az xəbər verir ki, mühafizəkarların dəstəklədiyi lider Seyid İbrahim Rəisi öz vədləri ilə birbaşa orta və aztəminatlı təbəqənin rəğbətini qazanmaq istəyir. O, xalqa verilən subsidiyaların məbləğini 3 dəfə artıracağını bildirib.

“Subsidiya alanların 30 faizinə verilən pulun məbləğini 3 dəfə artıracağıq, bu, onların yaxşı yaşaması uçün vacib və zəruridi”, - Rəisi bildirib.

O, həmçinin, deyib ki, ölkədə işsizlik və iqtisdi böhranı həll etmək mümkundür. Rəisi ildə 1.5 milyon iş yeri açmaqla işsizlik böhranını birdəfəlik həll edəcəyinə söz verib.