Ana səhifə Planet |
Venesuela Amerika Dövlətləri Təşkilatından çıxmaq prosesini başlatmağa hazırdır.
Axar.az xəbər verir ki, bunu jurnalistlərə açıqlamasında Venesuela Xarici İşlər naziri Delsi Rodriqes söyləyib.
“Amerika Dövlətləri Təşkilatı bizdən xəbərsiz buraya üzv ölkələrin xarici işlər nazirlərinin görüşünün keçirilməsi haqqında qərar qəbul edib. Buna uyğun olaraq Prezident Nikolas Maduro təşkilatdan çıxmaqla bağlı prosesin başladılmasını əmr edib”, – deyə o bildirib.
Qeyd edək ki, bu gün ADT xarici işlər nazirlərinin iclası keçiriləcək. İclasda əsas müzakirə mövzusu Venesueladakı vəziyyət olacaq.
Venesuela hökuməti bundan öncə ADT-nin ölkəyə hərbi müdaxilə etməsi haqqında bəyanat yayıb.
Venesuelada yaranan böhran səngimək bilmir. Prezident Maduronun istefası üçün müxalifətin keçirdiyi aksiyaların sayı getdikcə artır. Artıq bu aksiyalarda ölənlərin sayı 25-ə çatıb.
Tarix
2017.04.26 / 10:55
|
Müəllif
İlkin Həsənov
|