Rusiyanın Kalininqrad əyalətində “İslami cihad – mücahid camaatı” qruplaşmasının 12 üzvü xüsusi təyinatlı qüvvələr tərəfindən yaxalanıb.

Axar.az xəbər verir ki, bu barədə Rusiya Federal Təhlükəsizlik Xidmətinin (FTX) mətbuat xidməti məlumat yayıb.

“Terrorçuların hücrəsinə təşkil edilən xüsusi əməliyyat nəticəsində “İslami-cihad – mücahid camaatı” qruplaşmasının Mərkəzi Asiya respublikalarından olan 12 üzvü yaxalanıb”, - deyə bildirilib.

Xəbərdə o da qeyd edilib ki, hücrənin lideri ekstermist xarakterli cinayətlərə görə Özbəkistan hüquq-mühafizə orqanlarının axtarışındadır.

Xatırladaq ki, FTX ötən gün Saxalində terror törətməyə hazırlaşan iki terrorçunu ifşa etmişdi.