Ana səhifə Planet |
Rusiyanın “Gecə canavarları” bayker qrupu mayın 9-da Tiflisə səfər edəcək.
Axar.az xəbər verir ki, bunu “Rezonansi” qəzetinə müsahibəsində Rusiya-Gürcüstan Gənclər İttifaqının rəhbəri İrakli Kipiani söyləyib.
“Hazırda biz baykerlərlə bağlı yaşana biləcək insidentlərin ortadan qaldırılması üçün danışıqlar aparırıq. Bizə Mixail Saakaşvilinin Vahid Milli Hərəkat Partiyasının baykerlərə qarşı provokasiyaya yol verməməsi üçün zəmanət lazımdır”, – deyə o bildirib.
Qeyd edək ki, rus baykerlər iki il əvvəl də Tiflisə səfər etmişdilər. O zaman onların Georgiyevsk lenti (son zamanlar dünyada Rusiyanın işğalçı siyasətinin rəmzi kimi qəbul olunur – red.) taxması gürcülərin etirazına səbəb olmuşdu.
“Gecə canavarları" klubu 1989-cu ildən fəaliyyət göstərir. Klub aktiv şəkildə Rusiya Prezidenti Vladimir Putinin siyasətini dəstəkləyir və onun təbliğatı ilə məşğul olur.
Tarix
2017.04.28 / 16:49
|
Müəllif
İlkin Həsənov
|