Zinəddin Zidan yalnız futbolla bağlı yaxşı məsləhətlər verə bilər.

Axar.az xəbər verir ki, bu sözləri Fransanın ultrasağçı lideri, Milli Cəbhə Partiyasının rəhbəri Marin Le Pen sözügedən futbolçunun tənqidlərinə cavab olaraq deyib.

“Zidanı futbolla bağlı söhbətlərdə dinləmək olar. O, həqiqətən də bu sahədə yaxşıdır. Lakin siyasət barədə eyni cür düşünmürəm”, - Le Pen bildirib.

Qeyd edək ki, Zidan mayın 7-də baş tutacaq II tur prezident seçkilərində Milli Cəbhə Partiyasından uzaq durmağı tövsiyə etmişdi.

Fransada keçirilən prezident seçkilərinin I turunda liberalların namizədi Makron və ultrasağçı Le Pen qalib gəlib. Onlar 7 mayda, seçkilərin II turunda mübarizə aparacaqlar.