Rusların yalnız 10%-i Cənubi Qafqazdan olan miqrantlara yaxşı münasibət bəsləyir.

Axar.az xəbər verir ki, bu nəticə “Levada Çentr” şirkətinin keçirdiyi sorğudan sonra ortaya çıxıb. Sorğuya əsasən, 34% rus qafqazlılara pis, 51% isə neytral münasibət bəsləyir. Rusların ən çox xoşuna gəlməyən miqrantlar Mərkəzi Asiyadan olan şəxslərdir. Belə ki, rusların yalnız 5%-i asiyalıları sevir.

Rusların ən çox sevdiyi əmək miqrantları Ukrayna və Belarusdan gələnlərdir. 52% rus öz slavyan qardaşlarının Rusiyada çalışmasına razıdır.

Rusiya əhalisinin 67%-nin fikrincə, hökumət miqrantların ölkəyə axınının qarşısını almalıdır. 19% şəxs isə bununla razı deyil. Rusların həmçinin 32%-i miqrantları aztəhsilli insan, 28%-i bütün çətinliklərə dözən bədbəxt insan, 26%-i əməksevər insan, 25%-i öz ailəsinin qayğısına qalan şəxs kimi baxır.