Ana səhifə Planet |
Bu il Qələbə paradı zamanı Qırmızı meydanın üzərində ilk dəfə olaraq beş təyyarədən ibarət zərbə qrupu nümayiş olunacaq.
Axar.az xəbər verir ki, bu haqda məlumatı Rusiya Federasiyası Müdafiə Nazirliyi yayıb.
Qeyri-adi nümayişə strateji bombardmançı “Ağ qu” adlandırılan Tu-160 rəhbərlik edəcək.
Həmçinin “Rusiya cəngavərləri” pilot ekipajının heyətində “Kuba almazı” Su-30SM qırıcıları nümayiş olunacaq.
Mayın 9-da baş tutacaq paradda Moskva, Saratov, Tver, Kaluqa, Nijni Novqorod, Voronej, Lipetsk və Bryansk üzərində hava nümayişləri keçiriləcək. Vertolyotların uçuşları 150 metr hündürlükdə və saatda 200 kilometr sürətlə olacaq.
Operativ-taktiki, uzaq və hərbi-nəqliyyat aviasiyasının heyəti üçün nəzərdə tutulan uçuş hündürlüyü 300 metrdən 500 metrədək, sürət isə saatda təxminən 500 kilometr təşkil edəcək.
Hava paradını Mi-26 və Mi-8 vertolyotları açacaq. Paradda ümumilikdə 71 vertolyot və təyyarə iştirak edəcək. Ekipajlar Alabina səmasında olan məşqləri sona çatdırıb, 4-7 may tarixində Moskva üzərində məşqlərə başlayacaq.
Tarix
2017.04.29 / 10:59
|
Müəllif
Rəfiqə Əlisafa
|