Ana səhifə Planet |
Qızımın Emmanuel Makrona nisbətən şansı daha böyükdür.
Axar.az xəbər verir ki, bu sözləri Fransanın ultrasağçı lideri, Milli Cəbhə Partiyasının rəhbəri Marin Le Penin atası Jan-Mari Le Pen deyib.
“Makron ikinci Olland hesab edilir. Onun yeganə müsbət cəhəti odur ki, hələ ki, heç nə etməyib. Ona görə də onu tənqid etmək çətindir. Marin Le Pen isə cəbhənin ruporudur. O, artıq öz gücünü hiss edib. Biz görürük ki, bu güc ildən-ilə güclənir. Le Penin Makrona nisbətən şansı daha böyükdür”, - Le Pen bildirib.
Qeyd edək ki, Fransada prezident seçkisinin ikinci turunun favoriti Makron sayılır. Onun ən azı 60 faiz səs toplayacağı sosial sorğularla təsdiqlənib.
Le Pen isə səsini artırmaq niyyəti ilə fəaliyyətini davam etdirir. Ötən gün Le Penin lideri olduğu Milli Cəbhə “Qalx, Fransa” ilə koalisiya yaradıb.
Tarix
2017.04.30 / 21:25
|
Müəllif
Kamran Ədalət
|