İran Daxili İşlər nazirinin birinci müavini (qaim məqam) Məhəmmədhüseyn Moqimi prezident seçkilərindən və seçkilərin nəticəsinin necə elan ediləcəyindən danışıb.

Axar.az xəbər verir ki, Moqimi İranın Konstitusiyaya Nəzarət Şurasının təklifi ilə seçkilərin nəticələrinin birdəfəlik yox, tədrici şəkildə elan ediləcəyini bildirib.

“Daxili İşlər Nazirliyi səslərin sayının tədricən elan edilməsi işi ilə razı olduğu üçün biz Konstitusiyaya Nəzarət Şurasının təklifini qəbul etdik. Beləliklə də seçkinin nəticələri biryerdə yox, tədricən elan ediləcək”.

Qeyd edək ki, İranın Daxili İşlər naziri Əbdülrza Rəhmani Fəzli mayın 17-də jurnalistlərə açıqlamasında sandıqlara salınan səslərin sayının bir yerdə elan ediləcəyini bildirsə də, bəzi rəsmi nümayəndələr buna etiraz etmişdilər.