Britaniya Baş naziri Tereza Mey İtaliyada keçiriləcək G7 sammitində sona qədər iştirak etməyəcək.

Axar.az xəbər verir ki, bu barədə informasiyanı Britaniya mətbuatı yayıb. Meyin mayın 25-də NATO sammitində iştirak üçün Brüsselə gedəcəyi və burada alyans üzvlərini İŞİD-lə və internetdə islam təbliğatı ilə savaşa səsləyəcəyi gözlənilir.

Bundan sonra Mey Siciliyaya G7 sammitinə yollanacaq. Baş nazir sammiti onun bitməsindən (G7 sammiti mayın 27-nə qədər davam edəcək – red.) bir gün öncə tərk edəcək. Meyin belə addım atmasına səbəb kimi Britaniyanın son 10 ildə ən ağır terror təhdidi ilə qarşılaşması göstərilir.