Ukraynanın Odessa vilayətinin Kiliyski rayonunun Qara dəniz sahillərində brakonyerlərin torlarına ilişmiş onlarla delfin cəsətləri aşkarlanıb.

Axar.az xəbər verir ki, bu barədə ukraynalı deputat Pavel Boyçenko Feysbuk səhifəsində paylaşım edib.

“Brakonyerlər nərə balığı tutmaq üçün dənizə torlar atırlar. Nəticədə həmin balıqlara hücum edən delfinlər də tora düşür. Nəticədə onlar boğularaq ölürlər. Onları sadəcə dənizə atırlar. Son günlər Vilkovo-Primorski rayonunda onlarla belə cəsət tapılıb”, - deputat bildirib.

O, eyni zamanda cinayətkarların məsuliyyətə cəlb edilməsi üçün hüquq-mühafizə orqanlarına müraciət edəcəyini də bildirib.