ABŞ Prezidenti Donald Tramp ərəb ölkələrinin barışması üçün ümumi sammit keçirmək niyyətindədir.

Axar.az xəbər verir ki, bu barədə informasiyanı Ağ Ev yayıb.

“40 il ərzində ərəb ölkələri arasında belə bir şey olmayıb. Prezident indi onlar arasında yaranmış situasiyanı həll etmək istəyir”, - deyə məlumatda bildirilib.

Qeyd edək ki, ərəb ölkələri Qətərlə barışıq üçün rəsmi Dohaya qarşı 13 şərt irəli sürüblər. Bu şərtlər arasında Türkiyə hərbi bazasının bağlanması, İranla əlaqələrin kəsilməsi, “Əl Cəzirə”nin qapadılması, təzminat ödənilməsi kimi tələblər yer alıb.

Qətər bu tələblərin hamısını qeyri-real adlandırıb.