Stalin Rusiyada real xidmətlərinə görə yox, Rusiya ictimai fikrinin müasir arxitektorlarının fəaliyyəti ucbatından məhşurdur.

Axar.az xəbər verir ki, bunu “Rosbalt” agentliyinə açıqlamasında Rusiyanın “Merkator” analitik qrupunun rəhbəri Dmitri Oreşkin söyləyib.

“Bu arxitektorlar sayəsində ictimaiyyətin sosial yaddaşında Stalin oyadılır, onunla yanaşı isə Putin dayanır. O da Stalin kimi ABŞ-a meydan oxuyur, Krımı özünə birləşdirir, hər kəsi bir araya yığır. Biz bundan sonra da Stalin zamanında olduğu kimi pis yaşayacağıq. Bundan sonra da Rusiya bütün gücünü müdafiə layihələrinə yönəldəcək və sonda SSRİ kimi uduzacaq. Bu gün 2 milyon əhalisi olan Krımı birləşdirməyimizə sevinənlər 40 milyonluq Ukraynanı itirməyimizi nəzərə almırlar. Rusiyada ictimai yaddaşın arxitektorları boş öndər vakansiyasının olduğu struktur yaradıblar. Bu strukturda kim güclüdürsə, o haqlıdır” – deyə o bildirib.

Qeyd edək ki, bundan öncə Rusiyada keçirilən sorğular zamanı ölkənin ən dahi şəxsi yenidən SSRİ lideri İosif Stalin seçilib.