İran parlamentinin xarici siyasət və milli təhlükəsizlik komissiyasının sözçüsü Hüseyn Nəqəvi Hüseyni Səudiyyə Ərəbistanını həcc ziyarəti və ya ticarət məqsədilə bu ölkəyə səfər edən iranlıları həbs etməkdə günahlandırıb.

Axar.az xəbər verir ki, iranlıların həbsinin qəbuledilməz olduğunu deyən Hüseyn Nəqəvi Hüseyni Səudiyyə hökumətinə xəbərdarlıq edib:

“Səudiyyəlilər ticarət və həcc mərasimləri ilə bağlı bu ölkəyə səfər edən İran vətəndaşlarını müxtəlif bəhanələrlə tutub incidirlər. Bu isə qəbuledilməzdir. İran istəsə, Ər-Riyadın bu hərəkətinə cavab olaraq ölkəyə səfər edən onlarla Səudiyyə vətəndaşını həbs edə bilər. Bunun üçün əsas da var. Çünki bir neçə həftə əvvəl Tehranda baş verən teraktlarda Ər-Riyadın terrorçulara dəstəyi barədə dəlil-sübutlar mövcuddur”.