Ana səhifə Planet |
ABŞ Mərkəzi Kəşfiyyat İdarəsinin (MKİ) rəhbəri Mayk Pompeo 2012-ci ildə Suriyada itkin düşən amerikalı jurnalist Ostin Ticenin azad olunması üçün Suriya kəşfiyyatının rəhbəri Əli Məmlüklə alternativ kanallar vasitəsilə əlaqə yaradıb.
Axar.az xəbər verir ki, bu barədə “Nyu York Tayms” qəzeti məlumat yayıb. Qəzet bildirib ki, jurnalistin ölkəsinə qayıdacağı təqdirdə ABŞ Prezidenti Donald Tramp Suriya Prezidenti Bəşər Əsədə zəng edəcəkmiş.
Bildirilib ki, Pompeo və ABŞ-ın 2011-ci ildən bəri sanksiya tətbiq etdiyi Məmlük arasında fevral ayında telefon danışığı baş tutub. Bu danışıq Suriya və ABŞ hökumətləri arasında uzun illərdən bəri baş tutan ilk telefon söhbəti olub.
İki tərəf arasında əldə olunan razılaşmaya görə, Tice Suriya miqrasiya qanunlarını pozduğu üçün məhkəmə qarşısına çıxarılacaq, daha sonra Bəşər Əsəd tərəfindən əfv ediləcəkdi. Lakin Suriyanın aprel ayında kimyəvi silahdan istifadə etməsi və ABŞ-ın Suriya ordusunun hərbi bazasını vurmasından sonra razılaşma pozulub.
Tarix
2017.06.28 / 10:36
|
Müəllif
Anar Əhmədov
|