Ana səhifə Planet |
Türkiyə Prezidenti Rəcəb Tayyib Ərdoğan bu gün Rusiya Müdafiə naziri Serqey Şoyqunu qəbul edəcək.
Axar.az xəbər verir ki, bu haqda prezidentin rəsmi saytında məlumat verilib.
Görüş yerli vaxtla 15:00-da Tarabya iqamətgahında baş tutacaq.
Qeyd edək ki, Rusiya Prezidenti Vladimir Putin və Ərdoğan arasında iyunun 30-da telefon danışığı baş tutub. Prezidentlər 4-5 iyulda Rusiya, Türkiyə və İranın vasitəçiliyi ilə suriyalı tərəflər arasında keçiriləcək V Astana görüşü çərçivəsində Suriya böhranının həllinə yönəlik əsas məsələləri müzakirə edib.
Kremlin açıqlamasında Putin və Ərdoğanın yaxın gələcəkdə danışıqları davam etdirmək məsələsində razılıq əldə etdiyi bildirilib.
***
Türkiyə Prezidenti Rəcəb Tayyib Ərdoğan bu gün yerli vaxtla 15:15-də Rusiya Müdafiə naziri Serqey Şoyqunu qəbul edib.
Görüş Tarabya iqamətgahında, mediaya qapalı keçirilib.
Tarix
2017.07.02 / 17:57
|
Müəllif
Turanə Məmmədli
|