ABŞ Prezidenti Donald Tramp Mərkəzi Kəşfiyyat İdarəsinin (MKİ) Suriyadakı müxalif qüvvələri dəstəkləməklə bağlı gizli proqramını dayandırmaq qərarı alıb.

Axar.az xəbər verir ki, bu haqda “Vaşinqton Post” qəzeti məlumat yayıb. Xəbərdə Trampın Rusiya Prezidenti Vladimir Putin ilə görüşündən əvvəl MKİ rəhbəri və milli təhlükəsizlik məsləhətçisi ilə məhz bu məsələ ilə əlaqədar görüşdüyü bildirilib.

Qeyd edək ki, MKİ Suriya müxaliflərini 2013-cü ildən aktiv dəstəkləməyə başlayıb. Müxaliflərə dəstəklə bağlı xüsusi proqramın icra edilməsinə məhz o zamankı prezident Barak Obama izn verib. Bu yardımın əsas məqsədi hazırkı Suriya Prezidenti Bəşər Əsədin hakimiyyətdən getməsinə nail olmaq olub.