İşindən istefa edən Ağ Evin mətbuat katibi Şon Spayser soyuducu oğurluğunda günahlandırılır.

Axar.az "Deyli Meyl" qəzetinə istinadən xəbər verir ki, Şon Spayser Ağ Evi tərk edərkən işçilərdən istifadə etdikləri mini-soyuducunu ona bağışlamalarını xahiş edib, lakin rədd cavabı alıb.

Spayser isə işçilər Ağ Evi tərk edəndən sonra axşam saat 20:00 radələrində soyuducunu özü ilə aparıb. Hadisəyə işi gec tərk edən işçilərdən biri şahid olub.

Hadisə sosial mediada böyük marağa səbəb olub və insanlar keçmiş mətbuat katibini lağa qoyublar.

Xatırladaq ki, Spayser 6 ay Ağ Evin mətbuat katibi kimi çalışmış,prezident Donald Trampla yaranan fikir ayrılığına görə işindən istefa vermişdi.