İsrail polisinin Əqsa məscidinə daxil olmaqla bağlı tətbiq etdiyi məhdudiyyətlər həqiqətən də aradan qaldırılıb.

Axar.az xəbər verir ki, bu barədə Çeçenistan rəhbəri Ramzan Kadırov şəxsi İnstaqram hesabında yazıb. Kadırov məsələyə biganə qalmayan hər bir şəxsə öz təşəkkürünü bildirib.

“Bazar günü mənim tapşırığımla köməkçim Alambek Yasayev Qüdsə yola düşdü. Alambek mənə çoxsaylı videolar göndərib. Həmin videolar vəziyyətin stabilləşməsi ilə bağlı informasiyanı əyani şəkildə sübut edir. Məscidi-Əqsaya giriş və kompleksin ərazisində qalmaqla bağlı heç bir məhdudiyyət yoxdur”, - Kadırov bildirib.

Xatırladaq ki, Çeçenistan rəhbəri Ramzan Kadırov səlahiyyətlərini bir kənara qoyaraq həyatının qalan hissəsini Qüdsdə yerləşən Əqsa məscidini qorumağa hazır olduğunu bildirmişdi.