ABŞ-ın Venesuela Prezidenti Nikolas Maduroya qarşı sanksiyaları Vaşinqtona sərf etməyən və onu Venesuelanın neft resurslarına buraxmayan lideri devirmək cəhdidir.

Axar.az xəbər verir ki, bunu jurnalistlərə açıqlamasında Rusiya Federasiya Şurasının Beynəlxalq Münasibətlər üzrə Komitəsinin sədr müavini Vladimir Cabarov söyləyib.

“Vaşinqton istəmir ki, Maduro ilə Venesuelanın özünün irəli sürdüyü şərtlərlə əməkdaşlıq etsin. Əgər onlar Maduronun demokratiyanın prinsiplərini pozduğunu deyirlərsə, bəs o zaman niyə özləri Səudiyyə Ərəbistanı və digər Fars körfəzi ölkələrinə qarşı sanksiya tətbiq etmirlər”, – deyə o bildirib.