Avropanın mərkəzi və cənub-şərqi hissəsində anormal istilər hökm sürür, bürküdür.

Milli.az bildirir ki, Serbiyada son 5 ildə ən yüksək temperatur qeydə alınıb. Ölkə boyunca havanın orta temperaturu 38-42 dərəcəyə çatıb.

Şimali Afrikadan gələn "Lüsifer" adlı antitsiklon nəticəsində havanın orta temperaturu sürətlə artıb.

Qonşu Macarıstanda orta temperatur +41 olduğu üçün "qırmızı təhlükə səviyyəsi" elan olunub.

Avstriyanın paytaxtı Vyanada hərarət +38-dir.

Rumıniyanın paytaxtı Buxaretsdə və ölkənin əksər əyalətlərində havanın temperaturu +42-yə bərabərdir.

Sinoptiklərin dediklərinə görə, havalar yalnız gələn həftənin ortalarından nisbətən sərinləşməyə başlayacaq.

Bu gün istilər 3 nəfərin ölümünə səbəb olub. İstidən ölüm faktları İtaliya, Ukrayna və Rumıniyada qeydə alınıb.

İtaliya, Fransa, İspaniya, Portuqaliyada və Yunanıstanda meşə yanğınları başlayıb.