Maykrosoftun "Vindovs 8.1" əməliyyat sistemi üçün ilk yeniləmə paketini istifadəçilərə təqdim etməsindən qısa müddət keçməsinə baxmayaraq, firma indidən yenilikləri üçün işə başlayıb.

Axar.az xəbər verir ki, qarşıdakı dövrdə "Vindovs 8.1" əməliyyat sistemi üçün ikinci yeniləmə paketini də yayımlayan "Maykrosoft" bir tərəfdən də "Vindovs 9" yeni əməliyyat sistemi üzərində işə davam edir.

"Maykrosoft" bu vaxta qədər "Vindovs 9" əməliyyat sistemi və ya "Vindovs 8.1" üçün yayımlanacaq yeniləmə paketi haqqında rəsmi bir şərh verməsə də, bu iki versiyanın da istehsal mərhələsində olduğu məlumdur. Bir çox fərqli sahədə fəaliyyət göstərən "Maykrosoft"un tərkibində Azure, Ofis, Bing və ya Skayp kimi proqram xidmətləri üzərində çalışan mühəndislərin də hələlik "Vindovs 9" layihəsində işlədiyi bildirilib.