Ana səhifə Planet |
Çeçenistan Respublikasının rəhbəri Ramzan Kadırov növbəti dəfə sensasion xəbərə müəlliflik edib.
Axar.az-ın məlumatına görə, Rusiyanın REN TV kanalına müsahibəsində o, Ukraynada qayda-qanunun yaradılması üçün 74 min könüllü çeçenin Prezident Vladimir Putinin əmrini gözlədiyini dilə gətirib. Kadırov qeyd edib ki, o, rəsmən hər hansı çeçenin Ukrayanaya getməsinə göstəriş verməyib:
"Mən sizə rəsmən deyirəm - döyüşmək üçün mən Ukraynaya heç bir çeçen göndərməmişəm. Amma lazım gələrsə, prezidentin əmri olarsa, 74 min çeçen könüllüsü Rusiya naminə Ukraynada savaşmağa hazırdı".
Kadırov həmçinin çeçenlərin savaşması məsələsinin həddindən artıq şişirdildiyini deyib. Başqa bir məqama toxunan respublika rəhbəri diqqətə çatdırıb ki, Donbasda savaşmaqdansa, əmr olarsa, çeçenlər elə birbaşa Kiyevdən başlayacaqlar. Çünki düşmənlər elə Kiyev şəhərindədir.
Tarix
2014.06.01 / 22:59
|
Müəllif
Ruslan Məmmədoğlu
|