Rusiyalı politoloq Aleksandr Dormin ABŞ-ın sabiq prezidenti Barak Obamanın 3 milyon bəyəni toplayan “tvit”ini şərh edib.

Axar.az xəbər verir ki, ekspert həmin “tvit”ə şübhəli yanaşdığını bildirib.

“Obama mesajında Nelson Mandellanı xatırlatdı. Son illərdə Afrikada ən hörmətli iki lider Müəmmar Qəzzafi və Nelson Mandella idi. Lakin ABŞ-ın keçmiş dövlət katibi Hillari Klintonun Qəzzafinin ölüm səhnələrini məmnuniyyətlə izlədiyini söyləmək olar. Bu səbəbdən Obamanın mesajına şübhə ilə yanaşmağımız lazımdır. Son illər baş verən prosesləri xatırlamalıyıq”, - Dormin bildirib.

Politoloq onu da əlavə edib ki, Trampı irqçilikdə günahlandırmaq ədalətli deyil.

Xatırladaq ki, Obamanın Şarlotesvildə baş verən şiddətli olaylarla bağlı atdığı tvit rekord həddə bəyənilib.

“Heç kimsə doğulandan başqasının dərisinin rənginə, keçmişinə və ya dini inancına görə ona nifrət etmir. İnsanların nifrət hissini öyrənməyi lazım olur. Və əgər onlara nifrət öyrədilirsə, sevgi də öyrədilə bilər. Çünki sevgi insan qəlbinə nifrətin əksinə olaraq təbii formada daxil olur”, - deyə sabiq prezident qeyd etmişdi.