Kürdüstan 25 sentyabrda keçirilməsi planlaşdırılan referendumu təxirə salınmaq üçün bir sıra şərtllər irəli sürüb.

Axar.az xəbər verir ki, Bağdadda İraq rəhbərliyi ilə görüşən kürd rəsmiləri şərtlərə əməl edilərsə, referendumun təxirə salınacağını bildiriblər.

Kürd heyəti təqdim etdiyi şərtlərin bir hissəsini açıqlayıb.

Kürdüstandan tutulan büdcənin geri qaytarılması, İraq Konstitusiyasının 140-cı maddəsinə əməl olunması (Kərkük başda olmaq üzrə mübahisəli bölgələrin statusunun müəyyən edilməsi), kürdlərin İraq hökumətində azaldılan paylarının geri verilməsi, İraq ordusunda kürdlərin müəyyən səviyyəyə (keçmiş statuslarına) yüksəldilməsi.