Rusiyanın birinci və prezidenti, mərhum Boris Yeltsinin “Mercedes-Benz S-klasse Trasco Bremen” markalı limuzini Sankt-Peterburqda 19,7 milyon rubla (565 min 390 manat, yaxud 332 min 426 dollar) satışa qoyulub.

Virtualaz.org xəbər verir ki, bu məlumatı avtomobili satışa çıxaran salonun təmsilçisi deyib. Mənbəyə əsasən, eks-prezident bu maşınla rəsmi və şəxsi görüşlərə gedib.

Satış elanında bildirilir ki, avtomobildə Boris Yeltsin sürücü ilə birlikdə gəzib: “Bu maşını bizə xüsusi təyinatlı qarajdan Dövlət Dumasının deputatı gətirib. Maşın saz vəziyyətdədir. Satış qiymətini uyğun hesab edir və hələlik qaldırmağı planlaşdırmırıq. 1994-cü ildə istehsal edilmiş avtomobil cəmi 60 min km yol qət edib. Maksimal sürəti saatda 250 kilometrdir. Onu xüsusi sifariş əsasında hazırlayıblar”.