İsrailin "Yerusalim Post" qəzeti dünyanın 50 ən nüfuzlu yəhudisinin siyahısını açıqlayıb.

Axar.az xəbər verir ki, siyahıya ABŞ maliyyə naziri Cek Leyu rəhbərlik edir.

ABŞ Federal Rezervlər Bürosunun rəhbəri Canet Yellen isə siyahıda ikinci olub.

İsrail prezidenti Şimon Peres və Baş nazir Benyamin Netanyahu isə 3-4-cü yerləri bölüşdürüblər.

Bundan başqa siyahıda İngiltərə Leyboristlər Partiyasının lideri Edvard Miliband və Rusiyanın "qara siyahı"sında olan kanadalı millət vəkili İrvin Kotler də yer alıblar.

Siyahıda Hollivudun məşhur simaları da yer alıb. Məşhur rejissor Stiven Spilberq 13, aktrisa Skarlet Yohansson 18, Natali Portman isə 27-ci olub.