Şimali Koreya Amerikalı turisti hələ məlum olmayan cinayətə görə təqsirli bilir.

Axar.az bu barədə Şimali Koreya Mərkəzi Xəbər Agentliyinin məlumatına istinadən xəbər verir.

Məlumatda Cefri Eduard Fovl adlı ABŞ vətəndaşının aprelin 29-da turist adı ilə ölkəyə daxil olduğu, amma Şimali Koreya qanunlarına zidd hərəkətlər etdiyi deyilir.

Xatırladaq ki, bundan öncə də 2 Amerikalı turist Şimali Koreyaya gəlib geri dönə bilməyib. Onlardan biri aprelin 10-da ölkəyə turist kimi daxil olmuş Miller Matteu Todd adlı gəncdir. Ş. Koreya hüquq mühafizə orqanları həmin gəncin ABŞ-dakı dözülməz vəziyyətdən bezərək sığınacaq üçün rəsmi Pxenyana müraciət etdiyini deyir.

Pxenyana qanunsuz daxil olduğu deyilən amerikalı turistlərdən biri də Kennet Bay adlı şəxsdir. Ş. Koreya hüquq mühafizə orqanlarının yaydığı məlumata görə, K. Baye ölkənin daxili işlərinə qarışmağa çalışıb və o, 15 il müddətində azadlıqdan məhrum edilib.