Myanma ordusu ilə buddist milliyətçilərin Arakan bölgəsində yaşayan müsəlmanlara qarşı əməliyyatları davam edir.

Axar.az xəbər verir ki, arakanlı müsəlmanlara aid QHT-lərin yaydığı məlumatda müsəlmanların daha sıx məskunlaşdığı Maunqdav, Buthidaunq ve Rathidaunq şəhərlərindəki hücumlar daha şiddətli xarakter alıb.

Son 6 gündə sözügedən şəhərlərdə 60-dan çox kəndin boşaldıldığı və yandırıldığı bildirilib.

Digər tərəfdən, Arakana giriş qadağan edildiyindən bölgədəki tələfatla bağlı konkret məlumatlar əldə etmək mümkün olmur.

Bundan əlavə, şiddətə məruz qalan müsəlmanların əksəriyyəti Banqladeşə üz tutur.