"Serj Sərkisyan Konstitusiya islahatları vasitəsilə hakimiyyətdə qalmağa çalışır".

Axar.az xəbər verir ki, bu açıqlama ilə Ermənistanın eks-prezidenti Levon Ter Petrosyan çıxış edib. Onun sözlərinə görə, iqtisadi artım, yoxsulluğun azaldılması və ölkədə demokratiyanın gücləndirilməsini söyləyərək konstitusiya islahatları aparmaq məntiqli deyil:

"İndiki konstitusiya sosial-iqtisadi artıma, demokratiyanın dərinləşməsinə, seçkilərın saxtalaşdırılmasına, siyasi rəqiblərin həbsxanalara salınmasına, dinc etirazçılara atəş açılmasına və minlərlə insanın Ermənistandan köçməsinin qarşısını almağa mane olur? Xeyr! Kim qarantiya verə bilər ki, bu situasiya yeni konstitusiya islahatlarından sonra da davam etməyəcək? Əslində, Sərkisyan konstitusiya islahatları vasitəsilə ölkə daxilində siyasi və sosial qüvvələri yayındıraraq vaxt qazanmağa çalışır. Sərkisyanın özü yeni konstitusiya islahatlarından məmnundur, çünki ölkəni yenə hakim partiya və onun tərəfdarları idarə edəcəklər".