Ana səhifə Planet |
Böyük Britaniya bu gündən etibarən qadınların Hərbi-Hava Qüvvələrinin bütün birləşmələrində xidmət aparmasına icazə verən ilk ölkə olub.
Axar.az xəbər verir ki, bu barədə Britaniya mətbuatı informasiya yayıb.
Qadınların düşmənlə təmas xəttində yerləşən bölgələrdə xidmət etməsi barədə qərarı ötən il keçmiş Baş nazir Devid Kemeron verib. 1 sentyabr tarixindən etibarən Britaniya Hərbi-Hava Qüvvələrinin yerüstü birləşmələrinə qadınların xidmət aparması ilə bağlı müraciətlərin qəbuluna başlanılıb.
Qeyd edək ki, bu ilin iyul ayında Müdafiə naziri Maykl Fellon qərarın sentyabrın əvvəlində qüvvəyə minəcəyini açıqlamışdı. Yerüstü birləşmələrin əsas vəzifəsi Britaniya Hərbi-Hava Qüvvələrinə məxsus bazalarının təhlükəsizliyini təmin etməkdir. Hazırda qadınlar Britaniya Hava Qüvvələrinin təxminən 10%-ni təşkil edir.
Tarix
2017.09.01 / 16:13
|
Müəllif
Orxan Tağıyev
|