Kamboca müxalifətinin lideri Kem Soxa həbs edilib.

Axar.az xəbər verir ki, bu barədə informasiyanı “Röyter” agentliyi yayıb. Agentlik Soxanın heç bir order olmadan polislər tərəfindən saxlanıldığını bildirib. Hələlik onun harada saxlanıldığı haqqında heç bir məlumat yoxdur.

Bəzi KİV-lər müxalifət liderinin dövlətə xəyanətdə ittiham edildiyi hqqında məlumat yayıblar. Onlar Soxanın Baş nazir Xun Senanın devrilməsi üçün ABŞ-ın dəstəyindən yararlandığını bildiriblər.

Qeyd edək ki, son günlər cənub-şərqi Asiyada vəziyyət gərginləşib. Belə ki, Çinin Spratli adalarını zəbt etməsi bölgədə vəziyyəti gərginləşdirib. Bununla bərabər Myanmada yenidən müsəlmanlara qarşı hücumlar aktivləşib. Üstəlik Filippin də müəyyən daxili gərginliklərlə üz-üzə qalıb.