Ana səhifə Planet |
ABŞ-ın növbəti yüngül və ağır hərbi texnikası Gürcüstana gəlib.
Axar.az xəbər verir ki, bu barədə informasiyanı Gürcüstan Müdafiə Nazirliyi yayıb.
Nazirlik bu texnikanın Gürcüstanda baş tutacaq “Çevik ruh 2017” hərbi təlimində iştirak edəcəyini bildirib. Vaşinqton təlimlərdə iştirak üçün Gürcüstana M1 Abrams tankları və LAV zirehli transportyorlarını göndərib.
Qeyd edək ki, təlim 3-11 sentyabr tarixində Orpolo hərbi poliqonu və leytenant Şota Xurtsidze adına tank qoşunları mərkəzində təşkil olunacaq. Təlimlərdə Gürcüstan və ABŞ hərbçiləri ilə yanaşı, Bolqarıstan, Latviya, Rumıniya, Ukrayna və Ermənistan hərbçiləri də iştirak edəcək. Təlimin keçirilməsində məqsəd ABŞ qüvvələri ilə NATO-nun üzv və tərəfdaş ölkələrinin hərbçiləri arasında qarşılıqlı əlaqənin inkişaf etdirilməsi, müdafiə və hücum əməliyyatları üzrə biliklərin artırılması və regionda təhlükəsizliyin təmin olunmasıdır.
Tarix
2017.09.03 / 11:56
|
Müəllif
İlkin Həsənov
|