BMT-nin Ətraf Mühiti Mühafizə qurumu 52 dövlətə xəbərdarlıq edib.

Axar.az xəbər verir ki, BMT dəniz səviyyəsindəki yüksəlmənin sürətlə davam etdiyini, 52 kiçik ada dövlətlərin yox olma təhlükəsi ilə üz-üzə qaldığını bildirib.

BMT-dən verilən məlumatda təhlükədə olan 52 dövlətin kiçik və böyük əhali sıxlığına malik olduğu qeyd edilib. Statistikada bu 52 dövlətin 62 milyonluq əhalisinin iqlim dəyişikliyindən mənfi dərəcədə təsirləndiyi göstərilir.

Ötən ay açıqlanan bir araşdırmada isə 1990-cı ildən bu yana 34 milyon hektarlıq ərazinin itirildiyi, bunun da dünya iqtisadiyyatına ildə 11,9 trilyon dollar ziyan vurduğu açıqlanıb.

İqlim dəyişikliyinin nəticəsinin 2050-ci ilə qədər bütün sahilyanı ərazilərdə hiss ediləcəyi vurğulanıb.