Ana səhifə Planet |
"Fransa ilə Almaniyanın necə ticarət və iqtisadiyyat məsələsində ortaqlıqları varsa, Türkiyə ilə İran arasında da belə bir əməkdaşlıq ola bilər".
Axar.az xəbər verir ki, bu sözləri Həsən Ruhani ilə Çankaya köşkündə keçirilən mətbuat konfransında Türkiyə prezidenti Abdullah Gül deyib.
Abdullah Gül İranın nüvə proqramının diplomatik yollarla həllinin tərəfdarı olduqlarını, ancaq bütün ölkələrin sülh məqsədli nüvə fəaliyyəti haqqının da qorunmalı olduğunu bildirib.
Abdullah Gül İran və Türkiyənin əlaqələrinin tarixə söykəndiyini vurğulayıb:
"Türkiyə və İranın çox böyük potensialı var. Bir-birlərinə bənzər ölkələr olan Fransa ilə Almaniyanın necə ticarət və iqtisadiyyat məsələsində ortaqlıqları varsa, Türkiyə ilə İran arasında da belə bir əməkdaşlıq ola bilər. Daha əvvəl çətinliklər olmuşdu, ancaq bu səfər nəticələrini verəcək. Bu səfərin ikitərəfli əlaqələr baxımından bir dönüş nöqtəsi olduğuna inanıram".
Tarix
2014.06.09 / 21:45
|
Müəllif
Pərviz Həsənov
|