İraq Şam İslam Dövləti 28 türk sürücüsünü qaçırıb.

Axar.az xəbər verir ki, Mosul şəhərində İraq ordusu ilə İŞİD arasında şiddətli qarşıdurmaların baş verdiyi bir vaxtda İskəndərun limanından Mosula mazut aparan 28 türk əsilli sürücünün İŞİD ordusu tərəfindən əsir götürüldüyü bildirilib.

İraqda olan və yoldaşları girov götürülən Hüsnü Akbaş dünən gecə kartej halında gedən 28 tir şoferi ilə səhər danışdığını və onlarla qaçırıldıqdan sonra bir daha əlaqə yarada bilmədiyini deyib:

"Səhər saatlarında telefon əlaqəsi yaratdığımız bir sürücü yoldaşımız İŞİD-in İstilik stansiyasını ələ keçirdiyini və tankerlərinə əl qoyaraq özlərini də əsir götürdüyünü bildirdi. Daha sonra nə qədər səy göstərsək də, onların heç bir ilə əlaqə yarada bilmədik".