Məşhur "Harri Potter" əsərinin yazıçısı C.K. Roulinq Şotlandiyanın azadlığı barədə referendumda "yox" kampaniyasına 1,2 milyon avro bağışlayıb.

Axar.az İspaniyanın "El Periodiko" qəzetinə istinadən məlumat verir ki, Edinburqda yaşayan yazıçı açıq şəkildə Şotlandiya azadlığına qarşı təşkilatları və partiyaları birləşdirən "Birlikdə daha yaxşı" qurumunu dəstəkləyir.
O öz veb səhifəsində bu yardımın əsas səbəblərini açıqlayıb:

"Bu haqda müxtəlif mənbələrdən çox oxuduqca, belə bir nəticəyə gəldim: azadlıq şansları artırsa da, təhlükə zəmini də yaradır".

Qeyd edək ki, Şotlandiyanın ayrılması ilə bağlı referendum 2014-cü il sentyabrın 8-də keçiriləcək.