“Rosneft” şirkəti Şimali İraq Kürd Muxtariyyəti ilə ölkənin təbii qaz boru kəmərlərinə sərmayə qoymaq üçün razılığa gəlib.

Axar.az xəbər verir ki, 2014-cü ildən etibarən mərkəzi hakimiyyətdən asılı olmadan neft ixrac edən Şimali İraq Kürd Muxtariyyəti “Rosneft”lə əməkdaşlıq etməklə bu şirkətdən milyonlarla dollar həcmində kredit almağa başlayıb. Mütəxəssislər dünyanın ən böyük şirkətlərindən sayılan “Rosneft” üçün bu müqavilənin beynəlxalq təbii qaz layihələrinin yerinə yetirilməsi baxımından çox mühüm olduğunu bildiriblər.

Məlumata görə, tərəflər arasında əldə olunan razılaşmaya əsasən qoyulan sərmayənin həcmi 1 milyard dollara yaxın olacaq.